يابوي .. << قصيدهـ رائعه جدا ..

يا ابوي

يابوي جعلك للبقا والمكاسيب عمري بدونك يالذَّرا ويش أبي به
يابوي تسأل عن شفاك المراقيب طلعه سواتك للنوايف غريبه

ليه المرض مايعرف الزين والعيب مايدري أنّك للمخاليق هيبه
أبسألك وش به غزا وجهك الشّيب والقلب لايع والنواظر شحيبه

وشبك تحاتي لانوى الموت تغريب تخشى عليّه باللّيالي الكئيبه
خذ دلّتك واركى على مسند الجيب وعطني شماغك بلثمه واحتمي به

ونروّح لأرضٍ بها العشب والطيب وتسمع كلامٍ يالغلا تحتفي به
يابوي بنتك لاانحكى بالتّجاريب كلن يشق لهيبه الصّيت جيبه

يابوي ماني من سواة المخاريب اللّي تجيب لعليه القوم خيبه
وماني من اللّي لامشت حفّها الرّيب أنا من اللّي مايدنّس حليبه

مرفوع شاني عن غرام المكاتيب وأكبر من إنّي أرتضي بالحبيبه
أنا غرامي لاابتدوا بالتّراحيب نفوس الأوادم من وجودي رحيبه

وإن كان زيني فتنة ٍ للمصاويب لأحط وجهي بالحريق ولهيبه
زيني أبيعه وأشتري سمعه الطّيب إسم ٍ ينومس بالصّروح الذّهيبه

وإن كان عندي بالحلا شي ٍ إصعيب عندي جدودٍ مارضت بالغليبه
دموع القبايل في لقانا مساكيب كن المقابر لاحضرنا قريبه

خضّبت لك كفي من العز تخضيب ورفعت راسي للنجوم الصّعيبه
طلع المعالي ماانحكم للشواريب بنتٍ وأناطح فارس القوم طيبه

والله لأسدّك بالفعول المصاليب والله لأعينك بالرّخا والمصيبه
وياشيخي إبشر لوتدور الدواليب بنتك إلا منّه عوى الذيب [ذيبة]

اعجبتني ونقلتها لكم علّها تنال اعجابكم ..

المساهمات : 71 تاريخ التسجيل : 22/03/2008

قصيده أكـثر من رائعه يسلمووو على النقل

العفوووو ...

شاكره لك مرورك ..

...

المساهمات : 64 تاريخ التسجيل : 19/03/2008

......... رقة مشاعر ..........

مشكوووووووووووره

على القصيدة

تحياتي :admin

العفوووووو ..

شاكره لك تواجدك

...

المساهمات : 68 تاريخ التسجيل : 21/03/2008

قصيده جميله جداً .

مشكوره على الابيات الرائعه .

المساهمات : 72 تاريخ التسجيل : 19/03/2008

ليه المرض مايعرف الزين والعيب مايدري أنّك للمخاليق هيبه
أبسألك وش به غزا وجهك الشّيب والقلب لايع والنواظر شحيبه

رقة مشاعر كنك تحسين بي

قصيدتك جات عالجرح

يعطيك ربي العافيه على هالطرح

تقبلي مروري